سياسة الخصوصية

بنجمع إيه

من صاحب المحل: اسمه وإيميله ورقم موبايله، وبيانات المحل اللي بيكتبها (الاسم والنشاط والشعار والعنوان والفروع والموظفين).

من عملاء المحل: الاسم والإيميل، ورقم الموبايل وتاريخ الميلاد لو اتكتبوا، والزيارات والنقاط والمكافآت اللي بتتسجّل على الكارت.

لو اشتركت: الباقة ومدتها والمبلغ وتاريخ الدفع، وإثبات التحويل لو دفعت بتحويل بنكي.

لو بعتلنا من صفحة تواصل معنا: اسمك وإيميلك أو موبايلك ورسالتك.

لو بدأت التسجيل ومكمّلتش: رقم موبايلك واسم المشروع ونوعه، عشان نتواصل معاك ونساعدك تكمّل. بيتمسحوا تلقائيًا بعد 90 يوم.

عنوان الشبكة (IP) بنحوّله لرمز مشفّر مش بيرجع للعنوان الأصلي، عشان نمنع الرسايل والطلبات المزعجة. مش بنحفظ العنوان نفسه.

بنستخدمها في إيه

عشان نشغّل الخدمة: الكروت والزيارات والمكافآت والتقارير والاشتراك.

وعشان نتواصل معاك بخصوص حسابك أو نرد على رسالتك.

مش بنبيع أي بيانات، ومش بنستخدمها لإعلانات حد تاني.

بيانات عملاء المحل

بيانات عملاء المحل ملك صاحب المحل. إحنا بنخزنها ونشغّل بيها الخدمة له بس، ومش بنشاركها مع حد.

فين بتتخزن ومين بيساعدنا

Supabase: قاعدة البيانات وتسجيل الدخول والملفات (زي الشعارات وإثباتات التحويل). السيرفرات في مومباي، الهند.

Vercel: استضافة الموقع، والسيرفرات في مومباي، الهند.

Resend: إرسال الإيميلات (أكواد الدخول والتنبيهات والرسايل)، من سيرفرات في أيرلندا.

Meta Pixel: أداة قياس إعلانات من Meta، على صفحة الهبوط وصفحات التسجيل بس، عشان نعرف إعلاناتنا بتوصل ولا لأ. مش بنبعتلها اسمك ولا إيميلك ولا موبايلك.

Paymob: بوابة الدفع الإلكتروني. بيانات كارت الدفع بتتكتب عند Paymob مباشرة، وإحنا مش بنشوفها ولا بنخزنها. اللي بيوصلنا نتيجة الدفع: نجح ولا لأ، والمبلغ والتاريخ.

كل شركة من دول بتستخدم البيانات عشان تقدّم الجزء بتاعها من الخدمة بس.

الكوكيز

بنستخدم كوكيز ضرورية عشان تفضل مسجّل دخول. وMeta Pixel بيستخدم كوكيز على صفحة الهبوط وصفحات التسجيل بس.

حقك في بياناتك

من حقك تطلب نسخة من بياناتك، أو تصحيحها، أو مسحها. ابعت طلبك على msomalak@gmail.com، أو واتساب ⁦+20 150 580 9740⁩.

والعميل يقدر يشوف بياناته ويمسح حسابه بنفسه من صفحة حسابه.

لو السياسة اتغيرت

لو غيّرنا حاجة في السياسة دي هنحدّث التاريخ اللي فوق.